7 ka tuig nga bata ni Pototan SB member Kent Peñaflorida, patay sang natumbahan sang puno sang mahogany ang ila salakyan sa Bacolod City

Bacolod City — Patay ang pito ka tuig nga bata ni Pototan SB member Kent Peñaflorida matapos natumbahan sang 60-anyos nga puno sang mahogany ang ila ginasakyan nga Toyota Fortuner sa Barangay Granada, Bacolod City kahapon.

Suno kay Chief Inspector Sherlock Gabana, hepe sang Bacolod City Police Station 5, pakadto sa Campuestuhan Highland Resort ang salakyan sang natabu ang insidente. Nagupi gid ang atubang sang salakyan sa diin nagapungko si SB member Peñaflorida kag iya asawa nga nagasabak sang ila bata nga si Ken Marion. Wala natabangan ang bata kag pilason man ang mag-asawa. Wala naman nasaramaran ang pito ka sakay. (JoMaque)