Anay Iloilo Police Provincial Office Director PSSUPT Cornelio Salinas, ginapabalik sa serbisyo sa desisyon sang Court of Appeals 13th Division
Iloilo–Gindismiss sang Court of Appeals 13th Division ang kaso nga grave misconduct batuk kay anay Iloilo Police Provincial Office Director PSSUPT Cornelio Salinas kag ginmandu ang gilayon sini nga reinstatement sa Philippine National Police.
Kasunod ini sang pagbaliskad kag pagpahigad sang 13th Division sa Ombudsman decision nga guilty si Salinas upod kanday Supt. Nepomuceno MM Corpus Jr kag Senior Supt Michel Amos Filart sa kaso nga ginfile batuk sa ila. Ginakabig ni Salinas ang desisyon nga partial victory kag nagalaum nga ma-reinstate siya sang DILG sa labing madali nga tiun.
Istoryahan sang grupo ni Salinas upod sa ila mga abogado ang masunod nga tikang. 2015 sang gindismiss si Salinas matapos gindalahig sa gin-alegar ma-anomaliya nga pagbakal sang police coastal crafts nga nagabalor sang 4.54 million pesos sang 2009. (AGB)