700 ka pulis, gindeploy sa kapiestahan sa Jaro

Iloilo City–700 ka pulis ang ginpangayo sang Iloilo City Police Office sa Police Regional Office 6 para sa i-deploy sa kapiestahan sa Jaro buwas.

Apang suno kay ICPO Spokesperson Shella Mae Sangrines, indi pagtingbon sa Jaro ang mga pulis. I-deploy suno sa iya ang iban nga mga pulis sa strategic areas sa syudad agud masiguro nga malinong kag matawhay ang palibot.

Gindeploy ang mga pulis subong nga adlaw para maplastar ang seguridad antes ang pagdinugok sang mga mapa-miesta sa Jaro buwas. (AGB)