Duha ka atleta sang Aklan, gindala sa ospital
Iloilo City — Gindala sa ospital ang duha ka athletes gikan sa Aklan nga nagpasakop sa boxing competition sa nagapadayon nga Western Visayas Regional Athletic Association ukon WVRAA 2018.
Ini ang gin-confirmar ni Mr. Jun Montesa, provincial trainer sa boxing sang Aklan.
Suno kay Montesa, naknock-down sa una nga round ang 17-anyos nila nga boksidor batuk sa iya kasumpong gikan sa Negros Occidental.
Conscious ang athlete apang gindala sa ospital para mapaidalum sa examination.
Base sa resulta sang CT Scan sa athlete, normal ang tanan suno kay Montesa.
Gindala man sa ospital ang isa pa gid ka 17-anyos nga boxer athlete gikan sa Aklan.
Suno kay Montesa, nabudlayan sa pagginhawa ang athlete pagkatapos sang iya sambuwa.
Ang mga natungdan nga nagapasakop sa youth boys category sa secondary boxing competition ang sa maayo na nga kondisyon. (JoMaque)