Mga opisina sang Comelec, bukas bisan holiday buwas agud magbaton sang statements of contribution and expenditures sang mga nagkandidato sa Barangay & SK elections

Iloilo City–Bukas ang tanan nga opisina sang Commission on Elections buwas agud magbaton sang Statement of Contributions and Expenditures (SOCE) sang mga kandidato sa Barangay & Sangguniang Kabataan elections.

Ini ang ginpahibalo ni Mr. Jonathan Sayno, election assistant 2 sang City Comelec angut sa natalana nga deadline sang SOCE sa Hunyo 13.

Gin-athag ni Sayno nga daug man ukon pierde nga kandidato, kinahanglan nga mag-file sang SOCE sa Comelec office kon sa diin sila nagfile sang ila certificate of candidacy.

Perpetual disqualification sa pagpadalagan sa anuman nga posisyon sa gobierno ang atubangon sang napierde nga kandidato nga mapaslawan mag-file sang SOCE sang makaduha ka beses. Indi naman makapangalagad ang nagdaug nga kandidato kon indi maka-file sang SOCE suno kay Sayno. (AGB)