Ilonggo fashion designer, gindakup bangud sa falsification of public documents

Iloilo City–Gindakup sa Molo paagi sa warrant of arrest ang fashion designer nga si Jose Clement ‘Jet’ Salcedo sang Poblacion, Concepcion.

Suno kay Salcedo, ginapa-abot na gid man sini ang warrant of arrest matapos siya ginpasakaan sang kaso nga falsification of public documents sang iya magulang. May kaangtanan ang kaso sa propedad sang ila pamilya.

Gin-athag naman sang fashion designer nga wala sang labot sa iya trabaho ang kaso.

Si Salcedo ang nagdesign sang gown ni Miss Haiti sa preliminary competition sang Miss Universe 2017 nga ginhost sang pungsod. Nagtapos nga first runner-up si Miss Haiti. (AGB)