Mga kontrabando, nakuha sa surprise greyhound operation sa Iloilo City District Jail-Male Dormitory sa Ungka, Jaro

Iloilo City–Narecover ang mga kontrabando sa surprise greyhound operation sa Iloilo City District Jail-Male Dormitory sa Ungka Jaro kaina sang aga.

Lakip sa mga narecover ang sim card, kable sang kuryente, lubid, flashlight, posporo, mga mugs, CD’s, baraha kag kutsara.

May nakuha nga sim card sa Selda 9 suno kay Jail Superintendent Larry Fuentes, warden sang Iloilo City District Jail.

Sang damlag lang, gintudlo sang duha ka drug suspects nga nadakpan sa Arevalo ang duha ka inmates sa nasambit nga jail facility nga ka-transaksyon nila sa illegal drug trade. Ginsurrender ni George Barcebas ang iya cellphone samtang ginsurrender ni Charlie Gubatanga ang iya sim card.

Samtang 19 ka inmates ang ginpa-drug test ni Fuentes kag negatibo ang resulta. (AGB)