Lalaki nga gintiro sa Jaro, subject sang drug buy bust operation suno sa police
Jaro, Iloilo City–Naigo sa tiil si Rex Gustilo, 24-anyos, sang Sambag matapos gintiro pasado las 11 subong nga aga, Oktubre 10.
Suno sa tiya sang biktima, sakay sa pick up nga pula ang suspek sa pagtiro kay Gustilo.
Ginpahayag may back up nga motorsiklo nga may sakay nga duha ka tawo ang suspetsado.
Pero suno sa sulterito nga nakasaksi sa natabu, sakay sa motorsiklo ang nagtiro sa biktima nga may tabon sa guya kag may back up nga duha pa gid ka iban nga sakay man sa tagsa nila ka motorsiklo kag lunsay man armado.
Ang pick up nga pula amo naman ang ginkargahan sa biktima.
Nabatian pa sang testigo nga naghambal ang suspek nga “Mabatu ka pa? Patyon ta ka!” antes sini gintiro ang biktima.
Nakasuksok sang jacket nga gray ang gunman.
Si Gustilo ang naga-obra sa talyer.
Isa lang ka lupok ang nabatian sang mga residente.
Samtang sa pinaka-ulihi nga pagpangusisa sang Aksyon Radyo, natukiban nga subject ang biktima kag isa ka Robert Begafria sang buy bust operation sang City Drug Enforcement Unit. Arestado ang status sang duha. (AGB/NG)