Senior citizen, gintiro-patay sa sulod sang iya balay sa Banate

Banate, Iloilo – At large ang suspek sa pagtiro-patay sa 81-anyos nga lalaki sa Barangay Magdalo, pasado las-8  kagab-i, Nobyembre 24.

Ginkilala ang biktima kay Theodorico Ledesma nga gintiro mismo sa iya balay kag napilasan sa ulo. Gindala pa siya sa ospital apang gindeklarar nga dead-on-arrival sang doktor.

Suno kay P/Senior Inspector Genesis Roque, hepe sang Banate Police Station, 12 gauge pistolise firearm ang gingamit sang wala pa nakilala nga suspetsado sa pagtiro sa biktima.

Posible suno sa iya nga daan nga hiligut-anon ang motibo sa krimen. (JoMaque)