Apat ka bulan nga lapsag nga babaye nga napatay matapos nahulog sila sang iya iloy sa depasahero nga jeep sa Molo, nadala na sa ila balay; iloy, nagahingyo sang bulig

Iloilo City (UPDATE)–Nag-abot sa Zone 10 Barangay Calaparan, Arevalo ang bangkay ni Baby Alyanna, ang apat ka bulan nga lapsag nga napatay matapos nahulog sila sang iya iloy nga si Mary Joy Bangcas, 33, sa depasahero nga jeep sa Molo sang Nobyembre 30 sang aga.

Las-dos kaina sang hapon, Disyembre 3, sang gindala ang bangkay sang lapsag sa ila balay.

Nagapangayo naman sang bulig si Mary Joy bangud pigado gid ang ila pamilya kag natalana pa siya nga operahan sa tiil.

Nagapungko sa front seat sang jeep si Mary Joy kungkong ang lapsag nga iya ginpahilut sang gulpi lang ginwarik sang driver nga si Milbert Guiao ang manibela agud likawan ang nagtabok nga tigulang. Wala nakapanguyapot ang iloy kabangdanan nahulog sila sang lapsag kag wala gid nakaluwas si Baby Alyanna sang nagtupa sa semento. (AGB)