Toyota Wigo nga ginsakyan sang magpamilya, nahulog sa sapa sa San Enrique, Iloilo

San Enrique, Iloilo — Nahulog sa sapa sa Barangay Cubay ang Toyota Wigo nga ginsakyan sang magpamilya.

Suno kay SPO4 Randy Lambungan, officer-in-charge sang San Enrique Police Station, may mga menor nga pilas ang mag-asawa nga William kag Rowena Encajonado lakip ang ila 3 ka tuig nga bata nga babaye nga si alyas Nene, lunsay pumuluyo sang Barangay Pasig, Lambunao.

May menor man nga mga pilas si Mercedita, 62-anyos nga iloy sang driver nga si William kag ang utod niya nga si Wilma Encajonado, 40-anyos.

Sa imbestigasyon sang pulis, ginlikawan sang driver ang motorsiklo nga nasugata sang ila salakyan rason nga nagderetso sila sa sapa sa higad sang karsada. (JoMaque)