Lalaki sa Pototan, patay sang nagbitay sang kaugalingon

Pototan, Iloilo— Patay ang 42 anyos nga si Alias Jerry matapos naghikog mga las 8:30 kaina sang aga, Enero 9.

Suno kay PO2 Raffy Gonzales sang Pototan Police Station, nakit-an na lang sang menor de edad nga bata ni Jerry nga nagabitay siya sa ila balayan gamit ang paha.

Ginatan-aw nga motibo suno pa kay PO2 Gonzales ang problema niya sa iya asawa base man sa mga text messages nga nakit-an sa iya cellphone.

Nagapati ang police nga wala sang foul play sa kamatayon ni Jerry. (AGB/KJT)