Provincial Capitol – Posible mabutang sa alang-alang ukon indi mahatag ang P400,000 nga financial assistance sang provincial government sa Dinagyang Festival.

Gin-anunsyar ini ni Governor Arthur Defensor sa flag ceremony kahapon sang aga, Enero 21.

Suno sa gobernador, indi na pwede ang executive order agud ma-release ang pondo bangud sa bag-o nga pagsulundan, kinahanglan niya ang authority sang Sangguniang Panlalawigan.

Apang bangud naga-operate ang probinsya sa reenacted budget matapos wala pa mapasar sang SP ang proposed 2019 Annual Budget, indi pwede makatalakay sang iban nga agenda ang provincial board base sa Local Government Code. (JoMaque)