2nd District of Iloilo Congressman Arcadio Gorriceta, nag-file sang motion for reconsideration sa suspension order sang Sandiganbayan batuk sa iya

Iloilo — Wala pa nakabaton sang kopya sang suspension order halin sa Fourth Division sang anti-graft court si Second District Congressman Arcadio Gorriceta.

Pero suno kay Gorriceta, maga-file sang motion for reconsideration ang iya nga mga abogado.

ANG GINHALINAN

2004 sang nagpungko si Gorriceta bilang mayor sang Pavia. Congressman sadto nga tiun si anay Rep. Boboy Syjuco.

Suno kay Gorriceta, gintanyagan siya sadto ni Syjuco sang programa para sa libre nga school supplies kag uniporme sang mga estudyante.

Nabantugan na sadto nga “magikero” si Syjuco suno kay Gorriceta kabangdanan ginpanugyanan siya ni sadto anay Governor Niel Tupas kag sang Commission on Audit nga magpaniguro kag magkuha sang approval sang Sangguniang Bayan.

Ginhimo man ini ni Gorriceta tubtob nga na-implementar ang proyekto.

THE P250,000

Makaligad ang pila ka bulan, nagkadto suno kay Gorriceta sa iya opisina ang tinawo ni Syjuco kag nagdaho sa iya sang envelope.

Nasulod dire ang P250,000. Gilayon ginpatawag ni Gorriceta sanday municipal accountant Eufemia Jamerlan kag treasurer Edwin Elumba kag ginpasulod sa banwa ang kuwarta.

Makaligad ang apat ka tuig, nagtuhaw suno kay Gorriceta ang kaso batok kay Syjuco kag naulamid siya, ang accountant kag ang treasurer.

Napahalin suno sa iya ang accountant kag nadulaan sang palangabuhian bangud sang kaso.

Ginpasiguro ni Gorriceta nga wala siya sang ginkawat bisan isa ka sentimo kag wala man niya nagamit personal ang gindaho sa iya sang tinawo ni Syjuco.

THE SUSPENSION

Enero 23, 2019 sang nagpagguwa ang Sandiganbayan sang 90-day suspension batok kay Gorriceta bangud sa paglapas sa Section 3 (e) sang Republic Act 3019 ukon ang Anti-Graft and Corrupt Practices Act may kaangtanan sa P5-million Education For All project sang mayor pa siya sang Pavia.

Nag-file sang manifestation si Gorriceta nga indi na siya dapat suspenderon bangud wala na siya naga-uyat sa posisyon nga gina-uyatan niya sang ginkasuhan siya.

Magluwas dire, ginpahayag ni Gorriceta nga magapaidalum siya sa surgical procedures agud mabulong ang iya renal cell carcinoma nga naga-limit sa iya physical movements.

Suno sa anti-graft court: “The mandatory preventive suspension under the law is to prevent further acts of malfeasance while in the office, the intimidation of witnesses, and the possibility of tampering with documentary evidence. It is to reinforce the principle that public office is a public trust. On this score, accused Gorriceta’s physical health is of no moment, considering that the only relevant consideration for the court is applying the legal mandate for preventive suspension is the fact that the accused presently holds public office.”

Ginlakip man sa kaso ang mga private individuals nga sanday Corazon Taladua kag Timoteo Tomas Salvilla sang Tagipusuon Foundation Inc.

Halin Agosto tubtob Disyembre 2004, si Syjuco kag iban pa nga ginkasuhan ginpahayag nag-akto nga may partiality kag “evident bad faith” sang ginpaboran nila ang Taguiposoon Foundation sa paghatag sang P999,900 “by “predetermining, designating and allowing the foundation to enter into a memorandum of agreement with the municipality of Pavia.” (AGB/MO)

Source: BBB Program with a report from MB.com