Lalaki nga sakay sa motorsiklo, pilason sang nakabunggo sa puno sang duldol sa lanag, Sta. Barbara

Sta. Barbara, Iloilo — Napilasan sa ulo ang lalaki matapos nakabunggo ang ginamaneho nga motorsiklo sa puno sang duldol sa Lanag, Sta. Barbara kahapon, Pebrero 23.

Ginkilala ang biktima kay Arjohn Nismal sang Miag-ao.

Suno kay PO2 Ricky Subaldo sang Sta. Barbara Police Station, halin sa fiesta sa Bilidan, New Lucena si Nismal kag pauli na kuntani sang naaksidente. Ginpahayag ni Subaldo nga madasig ang padalagan sang motorsiklo ni Nismal.

Gin-aku sang pulis nga madamo na ang naaksidente sa amu nga lugar bangud sa kurbadahon nga karsada.

Madumduman nga sang Pebrero 14 sang kaagahon, apat ang patay sang nabungguan sang SUV ang tricycle sa amu man nga lugar. (JoMaque)