1 patay, 1 pilason sa aksidente sa Ajuy

Ajuy, Iloilo — Dead-on-arrival sa ospital si John Fritz Antones sang Lanjagan, Ajuy, bangud sang patal nga pilas sa ulo matapos naaksidente sa ginasakyan nga motorsiklo sa Barangay San Antonio, mga las 2:30 kahapon sang kaagahon, Mayo 19.

Bali man ang wala nga tiil kag may mga pilas sa pila ka parte sang lawas ang lalaki nga angkas ni Antones nga gilayon gindala sa ospital.

Suno kay Jomar Patiño sang Ajuy Response Team, halin ang duha sa Barangay Pinantan Elizalde kag may gindul-ong nga upod sa Barangay Mangorocoro sang naaksidente.

Base sa ila pagpangusisa, papuli na ang duha sang nakabunggo sa taytay sa Barangay San Antonio. (JoMaque)