Epekto sa turismo kon bawion ang EO 146 nga nagadumili sa pagserbe sang ilimnon pag-abot alas-dos sa kaagahon sa syudad, indi pa mabatyagan — DOT 6

By: Aine Grace Bravo | July 3, 2019, 6:30PM

Via Aksyon Hotline

Iloilo City — Indi pa mabatyagan sa ang epekto sa turismo kon bawiun ni Mayor Jerry Treñas ang Executive Order 146 nga nagadumili sa pagserbe sang makahulubog ilimnon pag-abot las-dos sa kaagahon.

Pero gin-athag ni Department of Tourism (DOT) 6 Director Atty. Helen Catalbas nga makabig nga demand-driven ang mga negosyo.

Mapilitan suno sa iya nga manirado sang temprano ang mga negosyo kon makita sang tag-iya nga wala na sang nagasulod nga customers.

Nagapati si Catalbas nga may lain-lain nga rason ang mga turista nga nagakadtu sa syudad sang Iloilo nga nagresulta sa pagtaas sang tourist arrivals sang nagligad nga tuig base sa DOT 6 record.

Una na ginrason ni Mayor Treñas nga bawiun ang EO 146 agud mangin business kag tourism friendly ang syudad.