Driver sang motorsiklo, patay sang nakabunggo sa tangkal-tangkal nga tricycle sa Oton

By: JoMaque | July 20, 2019, 11:30am

Oton, Iloilo – Patay si Gerardo Carreon, 46 sang San Antonio, Oton, sang nakabunggo ang iya ginamaneho nga motorsiklo sa tangkal-tangkal nga tricycyle kagab-i, Hulyo 19.

Gindala pa sa Western Visayas Medical Center (WVMC) si Carreon pero wala natabangan bangud sang patal nga pilas sa ulo.

Sakay sa tangkal-tangkal sanday Gerald Tesoro, 40, driver; Elizer Tesoro kag Joclevi Minerva sang Poblacion South, Oton.

Suno kay Tesoro, pakadto sila sa Iloilo Fishing Port agud magbakal sang isda.

Ginpahayag ni Tesoro nga nakita niya nga madasig ang sugata nga motorsiklo gani nagpondo siya, pero nagdiretso sa tricycle ang motorsiklo.

May mga gasgas sa lawas ang tatlo ka sakay sang tangkal-tangkal kag may bukol pa gid sa ulo ang isa sa ila nga gindala man sa ospital.