#LoveGuimaras nga proyekto sang DOT 6, ginlunsar subong nga adlaw

By: Aine Grace Bravo | October 31, 2019

via Jeremy Brian Valle

Iloilo City — Gin-turnover sang Department of Tourism 6 ang mga maduagon nga payong sa mga motorbanca operators sa Guimaras sa ginhiwat nga soft launching sang #LoveGuimaras Assistance Package sa Parola Wharf kaina sang aga.

Nagtambung sa launching sanday MARINA 6 Regional Diretor Jose Vero, DOT 6 Director Helen Catalbas, Guimaras Governor Samuel Gumarin, Guimaras Vice Governor John Edward Gando, kag Jordan Mayor Ruben Corpuz.

Hatagan sang maduagon nga mga payong ang mga pasahero kag turista agud magamit nila samtang nagasaka ukon nagapanaug sa pump boat sa Parola, Buenavista kag Jordan Wharves.

Ang maduagon nga payong suno kay Catalbas, nagasimbolo sang pagbalik sang masadya kag mabaskug nga turismo pagkatapos sang August 3 sea tragedy nga nagbilin sang 31 ka patay.