Mga international vessels nga nagadungka sa international port sa Lapuz, gina-usisa sang Bureau of Quarantine

By: JoMaque | Pebrero 1, 2020

Iloilo City — Gina-check na sang Bureau of Quarantine ang tanan international vessels nga nagadungka sa International Port sa Lapuz.

Suno kay Dr. Gerardo Gavino, Medical Center Officer III sa Bureau of Quarantine, antes pa makadungka, ginakadtuan na sang ila team ang barko kag gina-check ang body temperature sang mga crew paagi sa non contact infrared thermometer.

Kun mataas sa normal ang body temperature sang crew, gilayon nga i-check ang iya medical history kag kun sa diin nga lugar nag-agi ang barko.

Kun naman naka-agi sa China nga ginhalinan sang Novel Coronavirus, ukon may contact sa indibidwal nga nagpositibo sa N-CoV kag may ginabatyag nga mga sintomas, iga-refer ang crew sa ospital nga gindesignar para sa monitoring.

Pagakabigon ang crew nga Patient Under Investigation ukon PUI kag i-subject sa mga examination para makumpirmar kun positibo ukon negatibo siya sa N-CoV.