Number 1 most wanted person sa Iloilo province, nadakpan sa Ajuy

By: Aine Grace Bravo/Aljohn Torreta | April 20, 2021

AJUY, Iloilo – Arestado ang 26-anyos nga number 1 Most Wanted Person sa probinsya sang Iloilo.

Nadakpan si Arjun Bigot alyas “Shabu” sa Barangay Adcadarao, Ajuy, kahapon sang aga, Abril 19.

Ginserbe kay Bigot ang warrant of arrest sa kaso nga murder nga gin-file sa iya sang 2019.

Suno kay Iloilo Police Provincial Office Director PCOL Gilbert Gorero, miembro si Bigot sang Bagatnon Crime Group nga guns-for-hire group kag naga-operate sa 4th kag 5th districts.

Preso sa Ajuy Police Station ang subject.