‘No COVID-19 Vaccination, No Entry’ policy sang CAAP, ginapatuman na sa Iloilo International Airport suno sa Airport Terminal Manager

ILOILO – Nagapanghugot lang ang Civil Aviation Authority of the Philippines (CAAP) bangud sa nagadamo nga kaso sang COVID-19 rason nga ginpatuman ang “No COVID-19 Vaccination, No Entry” policy sa tanan nga CAAP-Operated facilities.

Suno kay Mr. Arthur Parreño, terminal manager sang Iloilo International Airport, “we really need to stop ang access sang iban nga nga tawo especialy those who are not vaccinated [against] COVID-19. We really appreciate nga gin-aksyonan ini.”

Posible suno sa iya nga may mga mahul-an sa bag-o nga polisa pero makapaayo ini sa tanan. Nag-epekto gilayon ang mandu nga pirmado ni CAAP Director General Captain Jim Sydiongco nga napetsahan sang Enero 12, 2022.

Gin-athag ni Parreño nga indi gid makasulod sa CAAP- Operated facilities pareho sang Iloilo International Airport ang mga unvaccinated individuals magluwas lang ang mga may medical condition pero dapat nga magpresentar sang pamatuod sa ila claims kag may negatibo nga RT-PCR test result.

Magluwas diri, exempted man ang mga naga-edad 11-anyos panubo bangud wala pa nagsugod ang COVID-19 vaccination sa nasambit nga age group.

Gin-ako ni Parreño nga pabor siya sa bag-o nga polisa, “why? Because pagpuli naton maayo lang kun safe to ang mga mal-am ta, kabataan ta.” –via Firingline