Pilipinas, naka-secure sang $56.6 million nga loan para sa Panay-Guimaras-Negros Island Bridge

Naka-secure ang gobyerno sang Pilipinas sang $56.6-million nga loan para sa construction sang Panay-Guimaras-Negros Island bridge, pila ka bulan antes matapos ang termino ni Pres. Rodrigo Duterte.

Sa statement nga ginpagguwa sang Department of Finance subong nga adlaw, ila ginpahayag nga nagbayluhanay na ang Pilipinas kag South Korea sang kopya sang agreement sang loan nga ginpirmahan sang nagligad pa nga bulan, paagi sa Export Import Bank of Korea-Economic Development Cooperation Fund (KEXIM-EDCF) agud pondohan ang proyekto.

Magalaba sang 32.47 kilometers ang taytay nga magakonekta sa mga isla sang Panay, Guimaras, kag Negros.

Ipatuman sang Department of Public Works and Highways ang proyekto nga ginakabig isa sa mga big-ticket items sa Build, Build, Build program sang Duterte administration. | via Department of Finance