Impormasyon sa ginpahayag vote-buying sa Miagao, i-validate sang pulis

ILOILO — I-validate sang Miagao Police ang impormasyon nga ila nabaton may kaangtanan sa ginpahayag vote buying nga nagakatabo sa banwa kag sa ginpahayag vote buying nga matabo buwas sa SK covered court malapit sa Miag ao Central Elementary School.

Kasunod ini sang sulat nga nabaton ni Capt. Marvin Buenavista, hepe sang Miagao Police Station halin kay mayoralty candidate Leopoldo Moragas nga nagapahibalo sa ginpahayag vote buying.

Wala gintumod ni Moragas sa iya nga sulat kun sin-o ang nagapamakal sang boto pero suno kay Buenavista, i-validate nila ang impormasyon kag padulungan ang lugar nga nabutang sa sulat agud mahibaluan kun ano ini ka matuod.