Oton police, wala sang nabaton nga formal complaint sa nagalapta nga post sa social media nga ginpahayag vote-buying

OTON, ILOILO – Wala sang pormal nga reklamo nga nabaton ang Oton Police sa nagalapta nga post sa social media sa gin-alegar vote buying nga natabo sa banwa.

Suno kay Maj. Kenn Albert Lepsia, hepe sang Oton Police Station, may mga mensahe sila nga nabaton parte sa ginpahayag vote buying pero wala man nagapakilala ang nagpadala sang message.

Kinahanglan, suno kay Lepsia nga may magreklamo gid para mauisa nila kag ma-aksyonan bangud may mga ebidensiya pa nga dapat ipakita.

Gina-check pa sang Oton police ang source sang mga nag-post sa social media para ma-verify ang impormasyon.Nagtuga sang pagpugok sang trapiko ang malawig nga pila sang mga tawo kaina sa Brgy. San Antonio, Oton pasulod sa Katagman resort.

Sang gin-usisa sang reporter sang Aksyon Radyo ang mga tawo kun ano ang ila ginapilahan, ila ginpahayag nga wala sila nakahibalo kag may nagpakadto lang sa ila sa lugar.

May nakit-an man nga mga sample ballot nga naganilapta sa lugar kun diin nagapila ang mga tawo.