3-day ‘intense prayer’ para sa May 9 elections, ginahingyo sang CBCP

Nagpanawagan ang Catholic Bishops Conference of the Philippines (CBCP) sang tatlo ka adlaw nga “intense prayer” sugod Mayo 8, tubtob 10 Mayo agud makapili kag magiyahaan sang Balaan nga Espiritu ang mga botante sa pagpili sang national and local leaders.

“We can only fight this battle in the best way we can – through prayer and well-discerned action,” suno kay CBCP president Pablo Virgilio David.

Ginrekomendar niya man ang pagbukas sang mga simbahan agud ma-expose ang Blessed Sacrament para maka-inspire sa pagpangamuyo nga mangin patas ang eleksyon 2022.

Ginhaylo pa ni David ang tanan nga mga bishops kag archbishops nga mangamuyo sang 10 ka minutos sa Mayo 9 sang aga agud mapalayo ang mga ‘malain nga espiritu’ nga maka-impluwensya sa mga iya gintawag “desperate candidates and their supporters” nga maghimo sang vote-buying, pagpanunto, pagpamahog kag mangin bayolente. —with news reports from PhilStar