2 patay sang nagbungguanay ang motorsiklo kag depasahero nga jeep sa Diversion Road, Mandurriao
ILOILO CITY — Duha ang patay sang nagbungguanay ang depasahero nga jeep kag motorsiklo sa Diversion Road, Mandurriao sa atubang sang SM City pasado las 2:00 kaina sang kaagahon.
Gindala pa sa ospital ang driver sang motorsiklo kag angkas sini apang napatay.
Wala ginhingadlan sang pulis ang pangalan sang mga biktima bangud wala pa sang clearance sa pamilya.
Suno kay Police Master Sergeant Toto Carl Petalco, nag-counter flow ang motorsiklo sa gina-agyan sang Sta.Barbara nga jeep.
Nagpasalig naman sang bulig ang driver sang jeep sa pamilya sang mga biktima.
Suno sa driver sang jeep, halin siya sa City Proper kag pabalik na sa Sta. Barbara sang nasugata niya ang motorsiklo.
