Driver sang motorsiklo, pilason sang nabungguan sang awto sa Sooc, Arevalo

ILOILO CITY — Pilason ang driver sang motorsiklo sang nabungguan sang awto sa C1 road sa Sooc, Arevalo kagab-i, Hulyo 26.

Ginkilala ang driver kay Gideon Boston, 60-anyos sang Molo.

Ginpahayag ni Boston nga papuli na siya kuntani sang na-aksidente.

Wala gid nagdulog ang salakyan nga nakabunggo sa iya kag nagdiretso lang sa pagmaneho ang driver.

Nahawidan naman ni Boston ang plate number sang salakyan kag gina-follow up na sang pulis.

Gindala sa ospital ang driver bangud sang pilas sa ulo.