Iloilo City, ginarekomendar nga ipaidalum sa state of calamity bangud sa food kag water-borne diseases

ILOILO CITY — Ginrekomenda sang City Disaster Risk Reduction and Management Council ang pagpaidalum sa State of Calamity sang Iloilo City bangud sa food kag water-borne diseases.

Sa data, 90 cases na sang Acute Gastroenteritis ang na-record, nga may apat ka napatay.

Ang 18 ang admitted sa gihapon sa ospital.

Sa 90, tatlo ang confirmed Cholera cases apang naka-recover na.

Mahiwat sang special session ang City Council sa Setyembre 1 agud talakayon kun ipaidalum ang syudad sa State of Calamity.

Ginabanta P12 million ang pondo sang syudad para sa Quick Response Fund nga ginalakipan sang medical personnel, supplies, medicines, fuel, kag maintenance and operating expenses.