BPO companies sa Iloilo City, naga-ayo nga may PUJs nga mabiyahe 24-oras –MITSCOOP

ILOILO CITY — Nag-ayo ang business sector sa transportation sector nga kun mahimo may public utility jeepneys (PUJs) nga mabyahe 24-oras agud may masakyan ang mga nagatrabaho sa mga business process outsourcing (BPO) companies sa Iloilo City.

Natabo ini suno kay Mr. Josemarie delos Reyes, chairman sang Metro Iloilo Transport Services Cooperative (MITSCOOP) kadungan sang Transport Summit para sa Local Public Transport Route Plan (LPTRP) sang city government sa University of the Philippines Visayas- Iloilo City Campus kaina.

“Ang business sector, gina-ayo nila nga kuntani may number of units especially sa mga [nagatrabaho] sa BPO dapat may yara sang available units sa 24 hours,” suno kay delos Reyes.

Ginpresentar sang business sector nga kapin 25,000 tubtob 30,000 ang mga BPO employees nga nagatrabaho sa siyudad.

“However wala man [nila] na-specify kun ano nga oras ang amo sina nga volume [sang pasahero]. Indi man namon siguro gulpiyada [mapainan] sang number of units. Wala ta da kahibalo kun pila ang may motorsiklo ukon salakyan,” dugang ni delos Reyes.

Ginatun-an ini sang transport sector kun ma-address nila ang problema bangud isa sa mga concerns nila ang nagamahal nga presyo sang gatong.