Emergency OpCen sang OCD 6, ginsulod sang kawatan

ILOILO CITY — Nagapanawagan si Office of the Civil Defense (OCD) 6 Regional Director Jose Roberto Nuñez sa publiko sa makahatag sang impormasyon sa lalaki nga nakita sa CCTV camera nga nagsulod sa ila Emergency Operations Center sa Esperanza Building, North Fundidor, Molo sang Agosto 27.

“This recent incident caused much alarm on my part when the burglar found a way to get in…Safety of my duty personnel ultimately becomes a priority,”ang pahayag ni Nuñez sa iya Facebook post.

Sang nagligad nga bulan, ginpahayag ni Nuñez nga nadula man ang helmet sang ila nga driver nga nabutang sa motorsiklo nga gin-park sa idalum sang ila operation center. Nakita man ini sa CCTV suno sa iya.

Bangud sini, ginapahanumdom ni Nuñez sa publiko, “Once again we have to be extra careful and always watch our backs.”