Suspension sang LPTRP sa Iloilo City, gin-extend sang isa pa gid ka bulan
Gin-extend sang isa pa gid ka bulan ni Iloilo City Mayor Jerry Treñas ang suspension sang Local Public Transport Route Plan ukon LPTRP sa siyudad.
Base sa impormasyon sang Aksyon Radyo Iloilo, ginahulat pa nga mapirmahan sang alkalde ang LPTRP para ipasa sa Department of Transportation (DOTr) kag hulaton naman nga ibalik sa Sangguniang Panlungsod para ma-aprubahan.
Hulyo 8 sang gin-suspend ang LPTRP kag magatakop sa Oktubre 6 base sa Executive Order No. 48 nga gin-issue ni Mayor Treñas bangud sa panawagan sang publiko kag ang nagapadayon nga konsultasyon agud mapa-imrpove pa ang mga bag-o nga ruta.
Hunyo 12 sang ginpatuman ang LPTRP sa diin tubtob lang sa mga perimeter boundary terminals ang mga provincial jeepneys lakip na ang halin sa first towns pareho sang Oton, Leganes, kag Pavia.
