‘Around-the-clock’ nga pagkay-o sa Ungka Flyover gin-ayo ni Iloilo City Mayor Jerry Treñas sa iya sulat kay DPWH Secretary Manuel Bonoan

ILOILO CITY – Nagsulat si Mayor Jerry Treñas kay DPWH Secretary Bonoan may kaangtanan sa sitwasyon sang Ungka Flyover nga temporaryo ginsiraduhan bangud sa nakita nga vertical displacement ukon pag-usmod.

Sa iya sulat, ginpabutyag ni Mayor Treñas nga nagagutok ang trapiko bangud sa Christmas season kag pagbalik sang face-to-face classes gani dapat nga padasigon ang pagkay-o sa flyover.

“It is highly anticipated that repairs are made around-the-clock to expedite the bridge reopening–all without compromising public safety,” ang kabahin sang sulat sang alkalde.

Nag-inquire man ang alkalde sa progress sang Ungka 2 kag Aganan Flyover projects.

Nagalaum si Mayor Treñas sang madasig nga sabat kag positibo nga feedback halin kay Secretary Bonoan. –via Iloilo City Government