Tribu Parianon nag-kampeon sa ‘Dagyang sa Barangay’ Ati Tribes competition sang Dinagyang 2023; Tribu Jalaud sang Calinog nag-kampeon naman sa ‘Kasadyahan sa Kabanwahanan’
ILOILO CITY — Nagkampeon ang Tribu Parianon sa “Dagyang sa Barangay” Ati Tribes competition nga highlight sang Dinagyang Festival 2023.
Nakuha man sang Parianon ang Best in Music, Choreography kag Choreographer.
Ini ang labing una nga championship title sang Parianon sugod sang gintukod ni Mr. Oscar vijuan sang 2001.
First runner-up ang Tribu Molave Kang Salog nga nakakuha sang Best in Production Design, People’s Choice kag Best in Costume and Headdress nga special awards.
Second runner-up ang Tribu Familia Sagasa.
Samtang sa “Kasadyahan sa Kabanwahanan,” nagkampeon ang Tribu Jalaud sang Calinog, Iloilo; 1st runner-up ang Tribu Guban Manughaw-as sang Dumangas, Iloilo; 2nd runner-up ang Tribu Madja-as sang Culasi, Antique; kag 3rd runner-up ang Pasalamat Festival sang La Carlota City, Negros Occidental.
Nagdaug naman ang Tribu La Paz sa labing una nga Dinagyang ILOmination Tribes competition; 1st runner-up ang Tribu Molo; kag 2nd runner-up ang Tribu Mandurriao.
