Oil Spill nasiplatan sa kadagatan sang Caluya, Antique

Gin-report sang Philippine Coast Guard (PCG) Western Visayas ang nagtagas nga langis sa baybayon sang Semirara Island sa Caluya, Antique.

Gilayon nga nagpatawag sang emergency meeting ang Philippine Coast Guard (PCG) Western Visayas sang gin-report ang nagtagas nga langis sa baybayon sang Sitio Sabang, Brgy. Tinogboc.

Base sa report sang PCG-WV, posible halin ini sa nag-capsize nga M/T Empress sa Naujan, Oriental Mindoro sang Pebrero 28.

Nag-deploy ang PCG sang floating assets kag equipment, nagpahamtang sang 10 ka segments fence boom kag oil skimmer agud mapunggan ang paglapta sang langis. –via PCG