Driver sang motorsiklo patay sang na-aksidente sa Barotac Viejo

ILOILO — Patay ang 21-anyos nga lalaki sang nakabunggo ang ginamaneho nga motorsiklo sa concrete barrier sa approach sang taytay sa Barangay California, Barotac Viejo.

Gindala pa ospital si Jethro John Ugasan apang wala gid natabangan bangud sang pilas sa ulo.

Suno kay Police Staff Sergeant Gilbert Balayo, imbestigador sang Barotac Viejo Police Station, wala makontrol sang driver ang manibela sang motorsiklo rason nagdiretso sa concrete barrier.

Wala sang helmet ang biktima.

Halin sa Barangay Ugasan ang biktima kag mapadulong sa Poblacion, Barotac Viejo sang na-aksidente.