‘Motoronda’ Squad ginlunsar sang IPPO

Ginlunsar sang Iloilo Police Provincial Office (IPPO) ang motorcycle-riding policemen ukon ang ginatawag nga Motorcops Anti-Crime and Emergency Responders ukon Motoronda Squad agud mabatuan ang mga kriminalidad sa probinsya.

Suno kay IPPO Director Colonel Ronaldo Palomo, katuyuan sang inisyatibo nga ma-highlight ang presensya sang kapulisan kag mapasangkad ang police response sa tiun sang emerhensya kag krimen.

Ginhimo ang launching sa headquarters sang IPPO 2nd Iloilo Provincial Mobile Force Company sa Sara, Iloilo.

Suno naman kay IPPO spokesperson Major Rolando Araño, time-tested strategy ang presensya sa kapulisan batok sa kriminalidad.

Ang Motoronda Squad nga pagabug-usan sang walo ka pulis ang magapatrolya sa 42 ka mga banwa kag sa component city sang Passi. Mahimo man sila i-deploy para sa emergency response. — with reports from the Manila Bulletin