Ungka flyover liwat siraduhan pagkatapos sang Dinagyang 2024 — former Ilonggo Sen. Franklin Drilon

Liwat nga pasiraduhan ang Ungka Flyover pagkatapos sang selebrasyon sang Dinagyang 2024 agud nga obrahon ang pagkay-o sang Ungka Flyover.

Ini ang ginpahayag ni former Ilonggo Senator Franklin Drilon sa ginhiwat nga press conference kaupod ang MORE Electric and Power Corporation.

Ginkumpirmar man sang anay senador nga posible matapos ang pagkay-o sang flyover sa Agosto 2024.

Ginatinguhaan pa sang Aksyon Radyo Iloilo nga malab-ot si Department of Public Works and Highways (DPWH) 6 OIC, Engr. Sanny Boy Oropel.

Setyembre 22, sang ginbuksan sa four-wheeled light vehicles ang Ungka Flyover halin las-6am-9am kag 4pm-8pm.

Una na ginpahayag ni Engr. Oropel nga liwat nga siraduhan ang flyover kun mag-abot na ang budget para sa pagpakay-o sang infrastructure.