Iloilo 2nd District Cong. Michael Gorriceta bukas nga mangin running mate ni Iloilo Gov. Arthur Defensor, Jr. sa 2025 elections
ILOILO — Bukas nga mangin political alliance ni Governor Arthur Defensor, Jr. si 2nd District Congressman Michael Gorriceta kag mangin Vice Governor sa probinsiya sang Iloilo.
Suno kay Gorriceta, nakibot siya nga nagguwa ang iya ngalan sa mga gina-istoryahan nga mangin kaupod ni Defensor sa pagpadalagan sang probinsiya.
Ginpahayag pa niya nga nahuya siya magpamalibad sa gobernador pananglitan nga tanyagan siya nga mangin running mate.
Sa subong wala pa sila maka-istoryahanay sang gobernador may kaangtanan sa development sa pulitika.
Una na nagguwa ang impormasyon nga magluwas kay Gorriceta, nagtuhaw man ang apelyido sang mga Tupas kag Garin nga posible mangin running mate ni Governor Defensor. — via Aksyon Cedrick Anona