Lalaki nga naga-engage sa gun running activity sa Barotac Nuevo arestado

ILOILO — ILOILO—Arestado ang 56-anyos nga lalaki nga naga-engage sa gun running activity sa Brgy Talisay, Barotac Nuevo kahapon, Abril 10.

Suno kay Police Captain Cedric Cruz sang Barotac Nuevo Municipal Police Station, na-monitor nga involved sa gun running activity si alyas Nonoy gani gin-surveillance sang madugay tubtob nadakpan kaina sang aga.

Nagasaylo-saylo sang lugar nga ginabaligyaan ang subject gani mabudlay dakpon, suno sa police.

Sa operation sang Regional Intelligence Division sang Police Regional Office 6 kag Barotac Nuevo Police, nadakpan ang subject sa diin natyempuhan nga nagabaligya man sang firearm ang myembro sang Municipal Bantay Dagat.

Na-recover ang isa ka M16, pulo ka magazine kag 110 live ammunition, isa ka caliber 45 pistol nga may isa ka live ammunition.

Sa impormasyon sang police, masobra na isa ka tuig nga nagabaligya sang pusil ang subject pero naga-untat man kun kaisa.

Samtang gina-check pa sang police ang background sang myembro sang Municipal Bantay Dagat. — via Aksyon Farrah Mae Morano