P12 million nga pondo ginaproponer sang Iloilo City government sa pagpaidalum sa siyudad sa state of calamity tungod sang water crisis

ILOILO CITY — P12 million ang ginaproponer nga pondo sang Iloilo City government para sa response sa state of calamity tungod sa water crisis sa siyudad.

Base sa report sang City Disaster Risk Reduction and Management Council (CDRRMC) kag City Environment and Natural Resources Office (CENRO), 1,477 tanan ka bubon ang ila na-survey nga nagakahubsan na sang tubig.

Suno kay Engr. Neil Ravena, head sang General Services Office, mabakal sang 53 static water tanks ang siyudad para ibutang sa apektado nga mga barangay.

Mabakal man sang supply sang tubig halin sa bulk water suppliers agud i-rasyon sa mga barangay.

Natalana pa nga adoptaron sang Iloilo City Council ang rekomendasyon sang CDRRMO antes pormal nga madeklarar ang state of calamity tungod sa kakulang sa tubig nga epekto sang El niño phenomenon. — via Aksyon Justice Savannah Pamplona