Lalaki nga nagpangisda sa suba sa Bito-on, Jaro patay sang nalumos

ILOILO CITY — Patay sang nalumos sa suba ang 42-anyos nga lalaki nga nagpangisda sa Brgy. Bitoon, Jaro.

Ginkilala ang lalaki kay Ronald Patajo, delivery driver kag residente sang amo nga barangay.

Suno sa asawa sang biktima, las-5 sang hapon kahapon nagpamukot sa suba ang iya bana upod ang duha nila ka bata.

Dugang pa niya, wala siya nakahibalo nga naglakat ang iya mag-amay tungod nagbakal siya sang sud-an.

Ginbilin sang amay ang duha ka bata sa payag kag nag-amat amat na latag sang iya pukot.

Wala sang ginasuprer nga balatian ang iya bana suno sa asawa.

Sa imbestigasyon sang Coast Guard, posible nabiringan ang lalaki rason nga wala gilayon nakalangoy kag nalumos.