Lalaki patay sang nakabunggo sa poste ang ginamaneho nga tricycle sa Mandurriao
ILOILO CITY — Patay ang 58-anyos nga lalaki sang nakabunggo sa poste ang ginamaneho nga tricycle sa Guzman-Jesena, Mandurriao pasado las-2:30 kaina sang kaagahon.
Ginkilala ang napatay kay Joenar Diamance, 58-anyos.
Suno kay Patrolman Arman Angcoy, imbestigador sang Mandurriao police station, madasig ang pagpadalagan sang driver rason nga naglapaw kag nadulaan sang kontrol sa manibela.
Nakabunggo ang tricycle sa poste kag nagdiretso sa naka-park nga salakyan sa higad sang karsada.
Sa pagpangusisa sang police sa pamilya, halin sa ilimnan ang biktima kag pakadto sa direksyon sang Mandurriao plaza sang natabo ang aksidente.
Wala na gindala sang pamilya sa ospital ang ila himata suno pa kay Angcoy. — via Aksyon Paula Elambayo