1 ka span sang pader nawasak sang nakabunggo ang SUV sa Oton
ILOILO — Nawasak ang isa ka span sang pader sang nabungguan sang SUV sa Pakiad, Oton kahapon, Mayo 6.
Suno kay Police Staff Sergeant Churchill Acosta, imbestigador sang Oton Municipal Police Station, halin sa C1 road ang driver kag pakadto sa direksyon sang Mohon sa Arevalo.
Base sa pagpangusisa sang police sa 19-anyos nga driver sang SUV, nag-overtake siya sa ginasundan nga taxi.
May nasugat-an nga truck ang SUV gani nagbalik sa iya nga lane pero na-alang-alang ang driver rason nga nagdiretso kag nakabunggo sa pader, suno sa police.
Nawasak ang unahan nga porsyon sang salakyan lakip ang makina.
Wala napilasan ang driver sang salakyan. — via Aksyon Farrah Mae Morano
