1 dakop, 1 nakapalagyo sa drug buy bust operation sa Molo

ILOILO— Nadakpan ang 57-anyos nga babaye samtang nakapalagyo ang 29-anyos nga lalaki sa drug buy bust operation sa Zone 2, San Juan, Molo kahapon, Hunyo 19.

Suno kay Police Captain Gimel Acuesta, OIC sang Molo Police Station, ang subject nga si alyas Boy Lamon nga nakapalagyo ang naga-uyat sang supply sang illegal drugs, samtang si alyas Gel nga nadakpan ang naga-atubang sa mga manugbakal.

Sang namutikan ni Boy Lamon nga pulis ang ila katransaksyon kaina, madasig siya nga nagpalagyo, suno sa mga operatiba.

Na-recover ang ginabanta 15 grams sang suspected shabu nga may standard drug price nga P102,000.

Base sa impormasyon sang police, duha ka lugar ang ginatineran sang subject. Nagatiner siya sa Bakhaw, Mandurriao upod ang iya nga partner kag sa San Juan, Molo siya naga-istar upod ang iya pamilya.

Nakaagi na preso sadto sa kaso may kaangtanan man sa illegal drugs ang subject pero nakaguwa tungod sa plea bargaining agreement.

At large sa gihapon ang subject. — via Aksyon Farrah Mae Morano