Send-off ceremony sang Tultugan Festival nga magapasakop sa Aliwan Fiesta 2024 ginpangunahan ni Iloilo Gov. Arthur Defensor, Jr.

ILOILO — Ginpangunahan ni Iloilo Governor Arthur Defensor, Jr. ang send-off ceremony sang Tultugan Festival sang Maasin kagab-i, Hunyo 19 para sa pagpasakop sa Aliwan Fiesta sa June 27-30 sa Aliw Theater sa Pasay City sa Manila.

Ginhiwat ang send-off ceremony sa Maasin Municipal Covered Gym.

Ginbida man sang tribu ang ila nga performance sa opisyales sang Maasin LGU, Provincial Capitol Department Heads, ginikanan kag ila mga abyan antes maghalin sa Iloilo.

Dal-on sa performance sang Tultugan ang tourism mantra sang probinsiya nga “Fun, Foodie, Friendly Iloilo”

Magluwas sa mantra ipakita man sang tribu kun ano ka-creative kag resourceful ang Maasinhons pinaagi sa world-class performance gamit ang instrumento nga himo sa kawayan.

Ang Tultugan Festival gindeklarar nga champion sa Kasadyahan Festival nga gin-organize sang Iloilo Provincial Government.

Ini na ang ikaduha nga tiun nga nagpasakop ang Tultugan sa Aliwan Fiesta.

Naghatag naman sang subsidy ang provincial government sa Maasin sa ila pagpasakop sa Aliwan Fiesta.

Personal nga gin-organize ni Mayor Francis Amboy, Vice Mayor Vicente Albacete, kag Sangguniang Bayan Members.

Nagtambong man sa kahiwatan si 3rd District Rep. Lorenz Defensor. — via Aksyon Cedrick Anona