Mag-utod nga senior citizen patay sang nabungguan sang van sa Passi City
ILOILO— Patay ang mag-utod nga babaye sang nabungguan sang van sa Brgy. Sarapan, Passi City las-12:30 kaina sang hapon.
Suno kay Police Master Sergeant Roderick Larida, imbestigador sang Passi City Police Station, nagatindog sa kilid sang dalan kanday Lyn, 60-anyos, kag Marge, 63-anyos, sang nabungguan sang van.
Nayudyod pa sang van ang duha gani nakaagum sang pilas sa nagkalain-lain nga parte sang lawas nga nangin rason sang ila kamatayon, suno sa police.
Pagkatapos sini, nagdiretso pa gid ang van sa poste sang streetlight kag balay sa kilid sang dalan.
Halin sa Iloilo City ang van nga ginamaneho ni Roland, 54-anyos, kag papuli na sa Dumalag, Capiz sang natabo ang aksidente.
Nakaagum man sang pilas ang driver pero nakaguwa na sa ospital.
Indi pa ma-establish kun ano ang natabo antes ang aksidente tungod wala pa nakaapathag ang driver sang van nga yara pa sa state of shock, suno sa police. —via Farrah Mae Morano
