City-wide clean-up vs dengue ilunsar sang Iloilo City sa Hunyo 29

ILOILO CITY – Ilunsar sa siyudad ang city wide clean-up drive sa Sabado, Hunyo 29, agud mapunggan ang pagdamo sang kaso sang dengue.

May tema ini nga “Ugsaran Tinluan para Balatian Malikawan.” Tuigan na ini nga programa sang Iloilo City Government sa pagpanguna nanday Mayor Jerry Treñas kag Committee on Health Chairman Councilor Alan Zaldivar.

Ang launching hiwaton sa Brgy. Baldoza, La Paz, las-6:30 sang aga kag sundan sang dululongan nga pagpaninlo sa 180 ka mga barangay sa siyudad nga ginalauman pasakupan sang nagkalain-lain nga stakeholders.

Ini ang lihok sang siyudad, suno kay Councilor Zaldivar sa amat-amat nga nagadamo nga kaso sang dengue sa siyudad. — via Iloilo City Government/ FB