Full opening sang Ungka flyover himuon sa Nobyembre — DPWH 6

ILOILO — Posible nga mangin “fully-operational” na ang kontrobersyal nga Ungka Flyover sa November 2024.

Ini ang ginkumpirmar ni Department of Public Works and Highways (DPWH) 6 Director, Engr. Sanny Boy Oropel.

Suno kay Oropel, malab-ut ang target date kun matapos sang contractor ang una nga phase sang pagkay-o sa ulihi nga semana sang July kag masugod ang ikaduha nga phase sa ikaduha nga semana sang Agosto.

Sa monitoring sang DPWH 6, yara pa lang sa 65% ang completion rate sa pagkay-o sang flyover.

Una na nga ginpahayag ni Oropel nga wala sang delay sa pagkay-o sang Ungka Flyover.

Ginapasiguro ni Oropel nga hugot ang ila supervision sa construction works sa Ungka Flyover. — via Aksyon Cedrick Anona