Lalaki nga gin-report missing, nasapwan nga patay sa suba sa Lambunao

ILOILO— Nasapwan ang bangkay sang 82-anyos nga lalaki sa suba sa Brgy. Bontoc, Lambunao las-3:30 kahapon sang hapon, Hulyo 18.

Suno kay Police Staff Sergeant Vincent Gascon, imbestigador sang Lambunao Municipal Police Station, nakita sang lalaki nga nagkadto sa iya talamnan kag napanimahuan ang bangkay sang lalaki nga yara na sa advanced state of decomposition.

Sa pagpangusisa sang police, Hulyo 10 sang gin-report nga missing ang lalaki nga nagasuprer sang balatian.

Ginpabutyag sang police nga kun maglakat ang lalaki, indi na katultol magpauli. Posible sa katugnaw kag kagutom, natumba sa suba ang lalaki kag wala na nakabangon.

Nagapati ang pamilya nga wala sang foul play sa natabo. — via Aksyon Farrah mae Morano